Anemia meaning in Nepali एनिमिया

एनिमिया भनेको के हो?

एनिमिया भनेको शरीरमा रातो रक्तकोष वा हेमोग्लोबिनको कमी हुनु हो। हेमोग्लोबिन रातो रक्तकोषमा पाइने प्रोटिन हो, जसले अक्सिजनलाई शरीरका विभिन्न भागहरूमा पुर्‍याउँछ। शरीरमा हेमोग्लोबिनको कमी हुँदा शरीरका कोषहरूले पर्याप्त अक्सिजन पाउँदैनन्।

आइरनको कमी यसको प्रमुख कारण हो किनभने आइरन हेमोग्लोबिन बनाउन आवश्यक पर्छ। यो समस्या विशेष गरी महिला, बालबालिका र गर्भवती महिलाहरूमा बढी देखिन्छ। यसले शारीरिक तथा मानसिक विकास र काम गर्ने क्षमतामा असर पार्न सक्छ।

यसका लक्षणहरूमा थकान र कमजोरी महसुस हुनु, छाला पहेँलो हुनु, सास फेर्न गाह्रो हुनु, टाउको दुख्नु, चक्कर आउनु र हातखुट्टा चिसो हुनु पर्दछन्।

कहिले चिकित्सकलाई देखाउने?

थकान, कमजोरी, सास फेर्न गाह्रो हुने वा नाडीको गति बढ्ने जस्ता लक्षणहरू बारम्बार देखिए वा गम्भीर भए तुरुन्त डाक्टरलाई देखाउनुपर्छ।